Activities

चर्कियो ग्यासको अभाव

Fri Aug.10.2012

काठमाडौँ, २६ साउन/ १६ सूत्रीय माग राखेर ग्यास व्यवासायीहरू आन्दोलनमा उत्रिएपछि राजधानीलगायत देशभर ग्यासको माग बढेको छ । माग बढेसँगै बजारमा ग्यासको अभाव भएको हो ।

उद्योगीले ग्यासको बिक्री–वितरण रोक्ने बताएपछि उपभोक्ताहरूले ग्यास भर्न थालेपछि माग बढेको हो । ग्यास बिक्रेता महासंघका महासचिब महेश्वरप्रसाद श्रेष्ठका अनुसार अहिले दैनिक २५ प्रतिशतका दरले माग बढिरहेको छ ।

यसैबीच सरकारले अत्यावश्यक वस्तु ग्यासमा गरिएको आन्दोलनका कार्यक्रम फिर्ता नलिए ऐनअनुसार कारबाही गर्ने चेतावनी दिएको छ । अत्यावश्यक ऐन कार्यान्वयन गर्न गृह मन्त्रालयले प्रक्रिया थालिसकेको छ । उपभोक्ताको दैनिक जीवनमा प्रत्यक्ष असर पुग्ने गरी कुनै पनि गतिविधि भएमा त्यसलाई नियन्त्रण गर्न ऐन लागू गर्न लागिएको हो ।